Барааны тайлбар:

ОДОО ЦАГТ АМЬДРАХ УРЛАГ. /зохиогч, сэтгэлзүйч Э.Баярмаа/

Одоо цагт амьдрах урлаг гэж юуг хэлэх вэ? Оюун санаа яг одоо, яг энд оршин буй орон зай, цаг хугацаагаа мэдэрч хийж буй зүйлдээ бүрэн төвлөрөхийг хэлнэ. Өөрөөр хэлбэл өнгөрсөн үеэс тээж ирсэн гуниг, гутрал харамсалгүйгээр ирээдүйн талаарх сэтгэл зовнил, элдвийн түгшүүргүйгээр амьдрал өрнөж буй яг энэ мөчид оршин байх чадвар бол одоо цагт амьдрах урлаг юм.
Харвардын их сургуулийн сэтгэл судлаачдын хийсэн шинэхэн судалгааны үр дүнд хүмүүс өдөр тутам сэрүүн байгаа цаг хугацааныхаа бараг тавин хувьд /46.7%/ хийж байгаа зүйлээсээ өөр зүйл боддог болохыг тогтоосон байна. Энэ бол цаг хугацааны тавин хувиас татгалзаж байна гэсэн үг шүү дээ. Цаг хугацааныхаа тавин хувийг алдана гэдэг амьдралын жолоо тань буруу тийш эргэж байгааг сануулж буй хэрэг.
Хэрэггүй олон бодлоор толгойгоо дүүргэхээ зогсоож, сөрөг сэтгэл хөдлөл үүсгэх бодлуудад ач холбогдол өгөхгүй байвал одоо цагийг мэдрэх чадвараа сэргээх боломжтой. Нөхцөл байдал хичнээн тааламжгүй байлаа ч одоо цагтаа төвлөрч чадах юм бол бодитой болоогүй олон муу зүйлд санаа зовж, уурлаж, гуниглаж, хардаж, эргэлзэж, стресстэхээс чөлөөлөгдөнө.

#719